Utdeling av
fjelldiplom
Søndag 19.06.2011.
hadde Gursken I.L. Utdeling av fjelldiplom og premiar til turgåarane. I tråd
med gamle tradisjonar samlast ein då på Knottahornet. Veret er alltid ein litt
spennande faktor, denne gongen såg skodda litt skummel ut. Men ho letta litt
opp og når vi kom oppover kom vi også over den, sjølv om ho låg litt lenger ute
og også sørover i Haugsfjorden.
Det vart delt ut
«Fjellplom» til alle som hadde vore på alle toppane, pluss barn som hadde samla
over 30 poeng. Det var 34 stk som fekk denne. I tillegg vart det premie for den
som hadde flest poeng. Dette var Bente V. Djupvik, ho vart premiert med
rumpeveske som var gitt av G-Sport Hofseth. Beste familie vart Odea og Thomas
Andersson. Dei fekk velværeprodukter frå Boots Apotek Ulsteinvik. Vidare vart
det trekt eit gåvekort blant deltakarane. Dette var gitt av Hårreisande –
Økologisk velværesenter, og vart vunne av Terje Sætre.
Vi hadde ei fin
stund oppe i sola og vi hadde også fruktservering, som så vanlig var sponsa av
John Gjerde AS. Vi vil også nytte høvet til å ønske alle nye og gamle turgåarar
god tur ut på ny fjelltrim.