I løpet av helga vi no har lagt bak oss, har www.gursken.com runda 300 000 sidebesøk, sidan oppstarten i mai 2009. Dette betyr at heimesida sidan oppstarten for 2,5 år sidan, har hatt eit snitt på litt over 2 300 "hits" pr.veke (og nesten 330 "hits" pr.dag)!! Dette synest vi er kjempebra i ei lita bygd med rundt 800 innbyggjarar !!!!
Heimesida for bygda vår kan heilt sikkert verte enda bedre. Med så mange besøk så har sida heilt klart vorte ein veldig viktig informasjonskanal, noko som alle lag og organisasjonar bør merke seg - www.gursken.com er heilt klart den rette plassen for å informere sine medbygdingar om små og store hendingar!
Det er fortsatt ledig kapasitet på sida, så om det er fleire som kunne tenke seg å verte ein del av denne viktige informasjonskjelda i bygda vår, så er det berre å ta kontakt med web-ansvarleg ;-).
Heimesida hadde ikkje fungert så godt som den gjer utan at tillitsvalde i dei ulike laga og organisasjonane, hadde teke på seg arbeidet med jamnleg å legge inn nyhende og informasjon frå "sin" organisasjon - noko som desse personane fortjener stor honnør for :-).
Til slutt ei oppfordring til alle lag og organisasjonar i bygda om å fortsatt halde oppe trykket mht. å informere gjennom www.gursken.com . Om du og/eller din organisasjon har noko du gjerne vil spre til bygda sine innbyggjarar, så er det liten tvil om at denne heimesida er ein av dei beste plassane å spre bodskapen på!
Kåre Roger Rødseth 